Schpatzegass

Im Hibiskusbosche
nebem Gartederrle
juckt ä Schpatzschuel
umenand
und schnurret allhek
wi wenns wichtig wär
und pressant
zum Leo duri
uf de Zwetschgebòm

hi und her
und wider zruck
flieget si Wellelinie
vum Bosche obeabi
ibers Mürle obeduri
und mit Karacho
i de Bòm nuf
all de gliich Weg

abfällig vu obenabe
fròge mir wa i
soeme Schpatzhirn
vòrsich gòh mag
wi wenn en rote Hibiskus
und en blaue Zwetschke-
bòm it grad gnueg wär